(soory) مرتبط

واقف أخطط له خطط
ا اريد عنده ارتبط
كتبت له شعر كثير
يحتاج أشله في شنط
مرات ع بحور الفصيح
ومرات ع بحور النبط
تتعتم الرؤيه معي
لو كان في القاعه رهط
ما تقول غير اني كفيف
أشوف قدامي نقط
واذا دخل وسط الحضور
وبالجماعه اختلط
أشوف نور فوق نور
ملاك عالدنيا هبط
لو قال في قوله وزاد
أبد بنطقه ما غلط
ادا ضحك أضحك معاه
واذا انحبط انحبط
حقه يامرني أمر
وحقه يقيس ويشترط
فجأه بدون مقدمات
قال (soory) مرتبط
هذي طبايع بالحريم
ويتشابهن مثل القطط
ذهلت لحد الجنون
وقمت اتصرر بالفوط
وكنت في وسط المجالس
بالخناجر مشتحط
واليوم لو جات القبايل
أكون بالكمه فقط
مثل الذي يركض سريع
وفجأه ع وجهه ينخبط
أستاهل لأني من زمان
عايش على نفس النمط
قررت أغير ف النظام
واضبط أموري وانضبط
واذا جاني يعتذر
بقول (soory) مرتبط

تسلم ابو عبدالملك وما زلنا نطالب بزيادة القصائد خاصة وان شعراء المكاتيم كثر ف هذا المنتدى ،نتمنى الجديد والقديم من الشعر ونا ع يقين بأن كنوز الشعر لديكم .........
ننـــــــــــــتظر موفق ان شاء الله ،،،،،،،،